Bakı-APA. Bakıda iki yanğın hadisəsi baş verib.
APA-nın Fövqəladə Hallar Nazirliyinin (FHN) saytına istinadən verdiyi məlumata görə, vətəndaşa məxsus ümumi sahəsi 112 kvadratmetr olan ikimərtəbəli (hər mərtəbəsi 56 kv.m) 8 otaqlı evin ikinci mərtəbəsinin yanar konstruksiyaları 56 kv.m sahədə, birinci mərtəbəsinin yanar konstruksiyaları və ev əşyaları 35 kv.m sahədə yanıb.
Evin qalan hissəsi yanğından mühafizə olunub. Yanğın saat 13:27-də yanğınsöndürənlər tərəfindən söndürülüb.
Digər yanğın hadisəsi isə Xətai rayonunda üçmərtəbəli yaşayış binasında qeydə alınıb. Binanın 2-ci mərtəbəsində vətəndaşa məxsus ümumi sahəsi 61 kvadratmetr olan 3 otaqlı mənzilin dəhlizinin yanar konstruksiyaları 12 kv.m sahədə və ev əşyaları yanıb.
Mənzilin qalan hissəsi yanğından mühafizə olunub. Yanğın saat 13:52-də yanğınsöndürənlər tərəfindən söndürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
