ABŞ Prezidenti Donald Tramp “Twitter”dən istifadə etməsinin səbəbini açıqlayıb.
APA-nın xəbərinə görə, D. Tramp “C-Span” telekanalına müsahibəsində bildirib ki, mətbuatın hücumundan qorunmaq üçün “Twitter”dən istifadə edir.
“Əgər mətbuat barəmdə qərəzsiz yazılar yayımlasaydı, o zaman “Twitter”də yazmağıma ehtiyac qalmazdı. Lakin onlar barəmdə düzgün məlumatlar yazmırlar. “Twitter” mənim üçün yeganə müdafiə üsuludur”, - ABŞ Prezidenti vurğulayıb.
D. Tramp qeyd edib ki, Prezident olduğu 2 il yarım müddət ərzində ən böyük məyusluğu medianın onun haqqında yazdıqları ilə bağlıdır: “Bu, məni çox məyus edir, çox təəccübləndirir. Qələbənin əhəmiyyətindən asılı olmayaraq, media fəaliyyətimi düzgün işıqlandırmır. Elə bu səbəbdən də “saxta xəbər” ifadəsi yaranıb”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
