Azərbaycanda qanunvericilikdə əkin yeri anlayışı təsnif olunur və əkin yerlərinin yandırılmasına görə cəzalar müəyyənləşdirilir.
APA-nın məlumatına görə, bununla bağlı Azərbaycan prezidenti tərəfindən Milli Məclisə təqdim olunmuş qanun layihəsi Aqrar siyasət komitəsinin bu gün keçirilən iclasında müzakirəyə çıxarılıb.
Layihəyə görə, İnzibati Xətalar Məcəlləsinə 244-1 (Əkin yerlərinin yandırılması) maddəsi əlavə edilir.
Maddədə qeyd olunur ki, əkin yerlərinin yandırılmasına görə fiziki şəxslər 400 manatdan 600 manata qədər, vəzifəli şəxslər 1 500 manatdan 2 000 manata qədər, hüquqi şəxslər isə 5 000 manatdan 6 000 manata qədər cərimələnəcəklər.
Bununla bağlı “Torpaqların münbitliyi haqqında” qanunda da “əkin yeri” anlayışı təsnif olunur.
Layihələr Milli Məclisin plenar iclasına tövsiyə olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
