Gəncədə avtomobil piyadanı vuraraq öldürüb.
APA-nın yerli bürosunun məlumatına görə, hadisə şəhərin Nəriman Nərimanov prospektində qeydə alınıb.
DİN-in Mətbuat xidmətinin Gəncə regional qrupunun baş inspektoru, polis kapitanı Eşqin Qasımov APA-ya bildirib ki, noyabrın 9-da səhər saatlarında, Gəncə şəhərində sürücü Orxan Babayev idarə etdiyi "VAZ 2107" markalı avtomobil ilə hərəkətdə olarkən, yolu keçmək istəyən 1955-ci il təvəllüdlü Firuzə Qocayevanı vurub. Nəticədə piyada aldığı xəsarətlərdən yerləşdirildiyi xəstəxanada dünyasını dəyişib.
Faktla bağlı Gəncə şəhər Baş Polis İdarəsində araşdırma aparılır.