Almaniya kansleri Fridrix Merts Kiyevə səfəri çərçivəsində Ukrayna Prezidenti Volodimir Zelenski ilə birlikdə bir neçə yerə baş çəkib.
APA “Reuters”ə istinadən xəbər verir ki, Merts əvvəlcə Kiyevin Müstəqillik Meydanında həlak olan ukraynalı hərbçilərin xatirəsinə yaradılmış müvəqqəti memorialı ziyarət edib. Merts və Zelenski burada həlak olanların xatirəsini yad ediblər.
Daha sonra onlar Rusiya dronlarının son hücumları zamanı zərər görmüş Ukrayna Milli Elmlər Akademiyasının inzibati binasına baş çəkiblər. Merts dağıntılara yerində baxıb.
Qeyd edək ki, Almaniya kansleri səhər saatlarında qatarla Kiyevə gəlib. Onu vağzalda Ukraynanın xarici işlər naziri Andrey Sibiqa qarşılayıb. Mertsi Almaniyanın iqtisadiyyat və energetika naziri Katerina Rayxe, eləcə də Almaniya şirkətlərinin nümayəndələri müşayiət ediblər.
Səfər Rusiyanın Kiyevə hücumlarını intensivləşdirdiyi vaxta təsadüf edib. Mertsin şəhərə gəlişindən sonra Kiyevdə bir neçə dəfə hava həyəcanı elan olunub və partlayış səsləri eşidilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
