APA-nın şimal bürosunun məlumatına görə, hadisə Xaçmaz şəhəri Zeynəddin Babayev küçəsində qeydə alınıb.
1992-ci il təvəllüdlü Hacıbalayev Kamran Teyyub oğlu xalası oğlu, 19 yaşlı Eldar və xalası Pəricahan Tamirova tərəfindən döyülüb. Dava zamanı E. Tamirov K. Hacıbalayevin kürək nahiyəsindən bir bıçaq zərbəsi vuraraq hadisə yerindən uzaqlaşıb.
Hadisə Kamran Hacıbalayevin anası Bəturə Hacıbalayevanın gözləri qarşısında baş verib.
K. Hacıbalayev Xaçmaz Mərkəzi Rayon Xəstəxanasına yerləşdirilib. Əməliyyat olunub, vəziyyəti orta-ağırdır.
Faktla bağlı Xaçmaz Rayon Polis Şöbəsində əməliyyat-istintaq qrupu yaradılıb. Hadisəni törədənlər Eldar Tamirov və Pəricahan Tamirova saxlanılaraq istintaqa təhvil verilib.
Hadisənin motivləri araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
