Bakı. Mübariz Aslanov - APA. Azərbaycanda dövlət tərəfindən kənd təsərrüfatı üçün kredit zəmanəti fondu yaradılacaq.
Milli Məclisdən APA-ya verilən məlumata görə, bu yeni hazırlanmış "Kənd təsərrüfatı kooperasiyası haqqında" qanunda əksini tapıb.
Qanunun 13-cü maddəsində (Kənd təsərrüfatı kooperasiyasının inkişafına dövlət dəstəyinin əsas istiqamətləri) dövlətin bu sahəyə dəstəyi siyahısında “Kooperativlər üçün kredit zəmanəti fondunun yaradılması” şərti də yer alıb. Maddədə həmçinin o da əks olunub ki, dövlət kooperativlərə güzəştli şərtlərlə kreditləşmənin təmin edilməsinə də dəstək verəcək.
Layihə Milli Məclisin növbədənkənar sessiyasının iyunun 14-də keçiriləcək iclasında üçüncü oxunuşda müzakirəyə çıxarılacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
