Bakı. Yeganə Laçınzadə – APA-Economics. “TuranBank”ın aktivlərinin həcmi 2016-ci ilin II rübündə 487,497 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 22,17% çoxdur.
Bankdan “APA-Economics”ə verilən məlumata görə, hesabat dövründə bankın kredit portfeli 0,33% artaraq 268,819 mln. manat olub.
Bankın kredit portfelinin strukturunda vaxtı keçmiş kreditlərin həcmi 12,630 mln. manat təşkil edir.
Bankın depozit portfeli hesabat dövrü ərzində 15,1% artaraq 179,725 mln. manata çatıb. Bu dövrdə əhalinin əmanətlərinin həcmi isə 167,541 mln. manata bərabər olub ki, bu da illik müqayisədə 38% çoxdur.
Bir il ərzində bankın məcmu kapitalı 2,13% azalaraq 51,565 mln. manat olduğu halda, nizamnamə kapitalı dəyişməyərək 50 mln. 002,5 min manat təşkil edib.
Bankın gəlirləri ötən ilin müvafiq dövrünə nisbətən təxminən 11,3% azalaraq 18,344 mln. manat, xərcləri isə 17% artaraq 19,610 mln. manata çatıb.
Cari ilin ilk altı ayını bank 1 mln. 265,5 min manat zərərlə başa vurub.
Hazırda bankın ölkə üzrə 15 filialı, 26 bankomatı, 152 POS-terminalı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
